Garapen Jasangarrirako Ekintza Plana

Garapen Jasangarrirako Tokiko Ekintza Plana Tokiko Agenda 21 prozesuen funtsezko elementu antolatzailea da. Borondatezko tresna bat da, jasangarritasunaren aldeko tokiko kudeaketa eta politikak orientatzeko; jasangarritasuna bete eta gauzatu beharreko helburu eta ekintza batzuen inguruan antolatzen da, tokiko eskalan eta hainbat urtetako epe batean.

Udalerriarentzat, garapen jasangarrirako ekintza plan bat martxan ipintzearen abantaila nagusia da jasangarritasunezko eta kalitate handiagoko ekintza gehiago bultzatzea ahalbidetzen duela; positiboa da hori gaurko eta etorkizuneko hiritarren bizi kalitatearentzat.

Halaber, Garapen Jasangarrirako Ekintza Plan bat (Tokiko Agenda 21) martxan ipintzea lagungarria da:

tokiko errealitatea hobeto ezagutzeko.
tokiko administrazioa eta komunitatea jasangarritasunean hezteko.
gizarte kohesioa, bertako nortasuna eta partaidetzaren kultura indartzeko.
informazioa hiritarrei errazago helarazteko.
udalerriaren irudia hobetzeko.
epe luzera eta zeharka planifikatzeko.
udal politikak optimizatzeko eta efizienteagoak bihurtzeko.
udal antolamendua optimizatzeko.
udalerriaz gaindiko baliabide ekonomikoak errazago eskuratzeko, ekintzak burutu ahal izateko.

Informazio gehiago nahi izanez gero, kontsultatu

Agenda Local 21: Guía para a puesta en marcha de Planes de Acción. Eusko Jaurlaritzako Lurralde Antolamendu eta Ingurumen Saila – IHOBE. Ingurumenaren Programa Markoa, 32. zk. – 2004ko ekaina.