Garapen iraunkorra lortzeko bideari ekin diogu
Herritar agurgarriok:
Eusko Jaurlaritza eta Bizkaiko Foru Aldundiarekin izandako lankidetzaren bidez, Udaletik TOKIKO AGENDA 21 prozesuari ekin diogu. Prozesu horren helburua gure eta ondorengo belaunaldien bizi kalitatea hobetzea da.
TOKIKO AGENDA 21ak gure ingurune soziala, ekonomikoa eta ingurumenekoa hobeto ezagutzen lagunduko digu, bai eta egungo arazoei antzematen eta horiek zuzentzeko jokaerak abian jartzen ere. Udalerriaren diagnostiko bat egingo dugu, gerora garapen iraunkorraren ekintza plana idatzi ahal izateko.
Oraindik elkarrekin lan asko dugu egiteko. Gure udalerriaren bizi kalitatea hobetu ahal izateko talde lanean –hausnarketak, eztabaidak eta ideiei buruzko ekarpenak eginez– aritzea beharrezkoa izango da. TOKIKO AGENDA 21aren prozesu horretan, herritarren parte hartzea oinarrizkoa izango da.
Garapen iraunkorra lortzeko bidea jorratzeak niri adina ilusio egingo dizuelakoan, har ezazue nire agurrik beroena.
